Inuussutissarsiuteqartunut piginnaatitsissummik suliffeqarfimmut allamut pilersitsigit

Suliffeqarfik alla suliffeqarfigisat sinnerlugu digitalimik iliuuseqarsinnaanissaanut piginnaatitsissummik tuniuk, ass. NemRefusionimi utertitsinermut.

Qupperneq una ukununnga attuumassuteqarpoq:

suliffeqarfimmi aqutsisut
suliffeqarfiit MitID Erhverv-imut atassuserneqarsimappat suliffeqarfimmi aqutsisunut sinniisut

MitID Erhverv-imi qanoq atuuffeqarnerlutit nalugukku MitID Erhverv-imut iserlutit atuisuunerit takusarsinnaavat. Atuuffiit illit atuisuuffinni “Tunngaviusumik paasissutissat”-niipput (qallunaatut: "Stamdata").

MitID Erhverv: Iserfissaq

Pisinnaatitaaffinnik aqutsisutut atuuffeqaruit suliffeqarfimmi allami atuisumut aalajangersimasumut inuussutissarsiuteqartunut pisinnaatitsissummik pilersitsisinnaavutit.

Suliffeqarfimmi allami atuisumut aalajangersimasumut inuussutissarsiuteqartunut piginnaatitsissummik pilersitsigit

Ilitsersuut manna pillugu

Ilitsersuummi matumani suliffeqarfigisavit suliffeqarfimmut allamut, allatut oqaatigalugu allamik CVR-normulimmut, suliffeqarfigisat sinnerlugu digitalimik nalunaaruteqarnissamut qanoq pisinnaatinneqarsinnaanera periarfissaqartissinnaaneraaluunniit allornikkaartumik nassuiarneqarpoq. Assersuutigalugu tamanna naleqqutissaaq kukkunersiuisorsi NemRefusion-imi utertitsinissamik suliffeqarfigisat sinnerlugu noqqaassuteqartussaappat.

Inuussutissarsiuteqartunut piginnaatitsissut pilersinneqarpat suliffeqarfik suliffeqarfigisannit piginnaatitsissummik tunineqarsimasoq nammineerluni piginnaatitsissummik kina atuisinnaassanersoq suliffeqarfigisallu sinnerlugu digitalimik iliuuseqarsinnaassanersoq toqqassavaa aqulluguluunniit.

Inuussutissarsiuteqartunut pisinnaatitsissutinik pilersitsiguit atugassatit

Aallartilersinnak pigissavatit:

MitID Erhverv
MitID Erhverv-imi suliffeqarfimmi aqutsisutut imaluunniit aqutsisunut sinniisutut atuuffik
suliffeqarfiup suliffeqarfigisannit piginnaatitsissummik tunineqartussap CVR-normua
inuussutissarsiuteqartunut piginnaatitsissup atia, taamaalilluni suliffeqarfigisavit tigusisussallu paasiniassammassuk piginnaatitsissut sumik imaqarnersoq.

Inuussutissarsiuteqartunut piginnaatitsissummik suliffeqarfimmut allamut imannak pilersitsissaatit

1. MitID Erhverv iserfigiuk

MitID Erhverv: Iserfissaq

2. Menumi “Piginnaatitsissutit” (qallunaatut: "Fuldmagter") toqqaruk

3. “Piginnaatitsissummik nutaamik pilersitsigit” (qallunaatut: "Opret ny fuldmagt") toqqaruk

Menu “Piginnaatitsissut pilersiguk” (qallunaatut: "Opret fuldmagt") nuissaaq.

4. Inuussutissarsiuteqartunut piginnaatitsissut pilersinniakkat atseruk

Piginnaatitsissut pilersinniakkat pinngitsoornak atsissavat. Atia suliffeqarfimmi inuussutissarsiuteqartunut piginnaatitsissummik tigusisussami takutinneqassaaq.

Inuussutissarsiuteqartunut piginnaatitsissummik aamma nassuiaateqarsinnaavutit.

5. Suliffeqarfiup inuussutissarsiuteqartunut piginnaatitsissummik tigusisussap CVR-normua allaguk

Normu allanneqareerpat “Paasissutissat aakkit” (qallunaatut: "Hent data") tuussavat.

6. Menup “Pisinnaatitaaffiit” (qallunaatut: "Rettigheder") ataanni “Pisinnaatitaaffiit ilanngutikkit” (qallunaatut: "Tilføj rettigheder") toqqaruk

7. Pisinnaatitaaffiit suliffeqarfimmit pigineqartussat nassaarikkit

8. “Pilersiguk” (qallunaatut: "Opret") tooruk

9. Inuussutissarsiuteqartunut piginnaatitsissutit maanna pilersinneqarpoq

Suliffeqarfik inuussutissarsiuteqartunut piginnaatitsissummik tigusisussaq maanna attavigissavat ilisimatitsissutigalugulu inuussutissarsiuteqartunut piginnaatitsissut pilersinneqarsimasoq.

Suliffeqarfimmi pisinnaatitaaffinnik aqutsisoq inuussutissarsiuteqartunut piginnaatitsissummik tigusisoq MitID Erhverv-imut iserluni piginnaatitsissut nassaarisinnaavaa. Suliffeqarfimmi piginnaatitsissut aatsaat atorneqarsinnaavoq pisinnaatitaaffinnik aqutsisumit sulisoq arlallilluunniit piginnaatitsissummut atassuserneqarpata.

Suliffeqarfik inuussutissarsiuteqartunut piginnaatitsissummik tigusaqarsimasoq sulisunik piginnaatitsissummut qanoq atassusiisoqartarneranik ilitsersuummik matuminnga atuarsinnaavoq:

Piginnaatitsissummut suliffeqarfiup suliffeqarfimmit allamit innuttaasumilluunniit tigusimasaanik atuisunik ilanngussigit