Utaqqilaarit
Suliffeqarfiup akuersissutinut inissitsiternissai isumagikkit
Suliffeqarfiup akuersissutinik qanoq tunniussisarnissaanut inissitsiterinerit allanngortinnissaannut ilitsersuutit suliffeqarfimmi aqutsisutut nassaaritinnaavatit.
Qupperneq una ukununnga attuumassuteqarpoq:
- suliffeqarfimmi aqutsisoq
MitID Erhverv-imi qanoq atuuffeqarnerlutit nalugukku MitID Erhverv-imut iserlutit atuisuunerit takusarsinnaavat. Atuuffiit illit atuisuuffinni “Tunngaviusumik paasissutissat”-niipput (qallunaatut: "Stamdata").
Suliffeqarfimmi akuersissutinut inissitsiterinerit suliffeqarfimmi aqutsisutut allanngortissinnaavatit. Ilaatigut aalajangissavat:
- suliffeqarfivit akuersissutinik tunniussisarnissaa akuerineqassanersoq
- suliffeqarfimmi akuersissutit qanoq ittut tunniunneqarsinnaanersut
- sulisut suliffeqarfik sinnerlugu atsiorsinnaanissaat (segl-inik pilersitsineq) suliffeqarfinnit akuerineqassanersoq.
MitID Erhverv-imi akuersissutit pillugit uani paasisaqarnerusinnaavutit:
Pisinnaatitaaffinnik atuisunillu aqutsisut inissitsiterinerinernik taamaallaat takunnissinnaapput. Atuisunik aqutsisoq kisimi atuisunut akuersissutinik tunniussaqarsinnaavoq. Atuisunut aqutsisuuguit akuersissutinillu tunniussaqartussaallutit uani paasisaqarnerusinnaavutit:
Akuersissutinik tunniussinermut segl-inillu pilersitsinermut suliffeqarfiup inissitsiterineri imannak allanngortissinnaavatit
“Inissitsiterinerit” (qallunaatut: "Indstillinger") imannak nassaarissavatit: Menu > Inissitsiterinerit.
Akuersissutinut inissitsiterinerit siaassapput.
Inissitsiterinerit ukunani allanngortissinaavatit:
- suliffeqarfimmi akuersissutit, tamatumani segl-inik pilersitsinerit ilanngullugit
- atuisunut akuersissutit
- UUID-mut akuersissutit.
Inissitsiterinermut periarfissat immikkuualuttut nassuiaataat immikkoortumi tullermi atuarsinnaavatit: “Akuersissutinut inissitsiterinerit” (qallunaatut: "Certifikatindstillinger").
Akuersissutinut inissitsiterinerit
Suliffeqarfimmi akuersissutinik suliffeqarfigisat tunniussisarnissamik akuersissanersoq aalajangersinnaavat.
Malugiuk, suliffeqarfimmi akuersissut ataaseq 20,00 kr.-qarmat.
Suliffeqarfimmi akuersissutit pillugit paasisaqarnerorusukkuit uani atuarsinnaavutit:
Suliffeqarfimmut akuersissutit
Suliffeqarfigisat suliffeqarfimmi akuersissutinik tunniussisarnissaq akuerippagu akuersissutinut quppernerni atugassatut segl-inik pilersitsineq suliffeqarfimmit akuerineqassanersoq aamma aalajangissavat.
Segl-inik pilersitsineq suliffeqarfimmi atuisunut atuisup atia atsiornermi nuisatinnagu suliffeqarfik sinnerlugu atsiorsinnaanissaannik periarfissiivoq.
Suliffeqarfimmi atuisunut akuersissutit atorneqarsinnaanissaannik suliffeqarfigisat akuersissanersoq aalajangissavat.
Malugiuk, atuisunut akuersissut ataaseq 20,00 kr.-qarmat.
Suliffeqarfimmi akuersissutit pillugit paasisaqarnerorusukkuit uani atuarsinnaavutit:
UUID (Universally Unique Identifier) kisitsisaavoq akuersissutip atuisumut atassusiisoq.
UUID atiosip akuersissutai tamaasa akornanni atorneqarsinnaavoq atuisoq taamaalilluni akuersissummik nutaamik kiffartuussinerit tamaasa pigiinnarsinnaallugit, imaluunniit akuersissut aalajangersimasuusinnaavoq kiffartuussinerit taamaalillutik atuisumut paasissutissat siusinnerusukkut akuersissutaanut atassuserneqarsimassanatik.
Nammineq aalajangissavat UUID-normu akuersissummut aalajangersimasumuussanersoq imaluunniit atuisup akuersissutaasa akornanni atorneqassanersoq
Sammisat attuumassuteqartut allat
Aqutsisutut suliffeqarfiup MitID Erhverv-iani inissitsiterinerit tulliuttut iluanni ilitsersorneqarsinnaavutit.
MitID Erhverv-imi suliffeqarfiup inissitsiterinerinik nalimmassaagit
Suliffeqarfivit MitID Erhverv-imit akiligassanik qanoq tigusisassanersoq allanngortiguk
Atuisusi nutaat MitID Erhverv-imi qanoq pilersinneqartarnissaannut inissitsiterinerit iluarsikkit
MitID Erhverv-imi kinaanermik uppernarsaatitut suut atorneqarsinnaassanersut iluarsikkit
MitID Erhverv-imi nalunaarutinut inissitsiterinerit allanngortikkit
Aqutsisutut sammisanut tulliuttunut aamma qulequttanut tulliuttunut ilitsersuutit takusinnaavat:
MitID Erhverv-imi atuisunik aqutsineq