MitID Erhverv-imi kinaanermik uppernarsaatitut suut atorneqarsinnaassanersut iluarsikkit

MitID Erhverv: Iserfissaq

“Inissitsiterinerit” (qallunaatut: "Indstillinger") imannak nassaarissavatit: Menu > Inissitsiterinerit.

Kinaassutsimik uppernarsaanermut atortunut inissitsiterinerit siaassapput.

Menumi “Kinaassutsimik uppernarsaanermut atortut”-ni (qallunaatut: "Identifikationsmidler") suliffeqarfinni atuisut iseraangamik imaluunniit suliffeqarfik sinnerlugu atsioraangamik kinaassutsimik uppernarsaanermut atortut sorliit suliffeqarfimmit akuerineqssanersut toqqarsinnaavatit. Immikkoortumi tullermi pissutsit sisamat isummerfigisassatit pillugit paasisaqarnerugit.

Namminerisamik MitID tassaavoq atuisut nammineq inuttut ass. borger.dk-mut imaluunniit Skat-imut iserniaraangamik atortagaat.

Suliffeqarfimmi atuisut suliffeqarfik sinnerlugu iserniaraangamik atsiorniaraangamillu namminerisamik MitID-ertik atortassaneraat aalajangissavat. Atuisut namminneq paasissutissaataat suliffeqarfimmit immikkoortilluinnarneqarsimapput.

Namminerisamik MitID pillugu paasisaqarnerugit:

Isernissamut periarfissat

Immikkut MitID inuussutissarsiornermut atatillugu taamaallaat atorneqartarpoq. MitID taanna nutaajuvoq atuisussinnit suliffeqarfissi sinnerlugu digitalimik iliuuseqaleraangata aatsaat atorneqartartoq. Imaappoq, sulisut MitID-mi atuisutut-ID-mik nutaamik pissapput. Taanna allattassavaat suliffeqarfik sinnerlugu iserniarunik imaliuunniit atsiorniarunik.

Immikkut MitID inuussutissarsiornermi atorneqartoq suliffeqarfinni tamani akuerineqarsimajuaannassaaq. Imaappoq, immikkut MitID-mik atuinissaq isummerfigisariaqassanngilat. Taarsiullugu MitID-mi kinaassutsimik uppernarsaanermut atortut sorliit suliffeqarfinni neqeroorutigineqarnersut aalajangissavat:

• MitID app: App’i oqarasuaatit tabletiluunniit atorlugu swipersinnaassaatit MitID-millu akuersillutit.
• MitID chip: Atortoq atuisunit ullormut arlaleriarlutik isertariaqartartunit atorluarneqarsinnaasoq.
• MitID kodenik nuisitsivik: Atortoq akuerisassamik iliuuseqarnerit tamaasa kodemik nutaamik nuisitsisartoq.
• MitID kodenik atuaasartoq: Atortoq kodenik nuisitsivittut ittoq. Kode immikkuullarissoq nuisinneqassaaq atortumiillu atuarneqarluni.

MitID-mi kinaassutsimik uppernarsaanermut atortut sorliit atuisunnut neqeroorutigineqassanersut toqqareerukku atuisut suliffeqarfiit allat sinnerlugit iserniaraangamik atoesinnaassaneraat aalajangissavat.

Immikkut MitID pillugu paasisaqarnerugit:

Isernissamut periarfissat

Atuisoq immikkut MitID-qarpat MitID-mi atuisutut ID-ni aamma kinaanermik uppernarsaanermut atortuni suliffeqarfinni marlunni arllalinniluunniit atorsinnaavai, sulifferqarfinnit tamanit tamanna akuerineqarpat. Tamanna avitseqatigiilluni kinaanermik uppernarsaanermut atortumik taaneqartarpoq.

Tassani atuisoq immikkut MitID-mut kinaassutsimik uppernarsaanermut atortoq suliffeqarfimmit allamit tunniunneqarsimasoq atorlugu isersinnaassanersoq isummerfigissat.

Suliffeqarfiit paasissutissaataat immikkoortuaannarput.

Malugiuk, “Immikkut MitID inuussutissarsiornermi atorlugu” (qallunaatut: "Særskilt MitID til erhvervsbrug") ataani atuisutsuliffeqarfik alla sinnerlugu iliuuseqarniaraangata suliffeqarfigisannit kinaassutsimik uppernarsaanermut atortunik atuisinnaassanersut isummerfigereerakku.

Sumiiffimmi kinaassutsimik uppernarsaanermut atortut suliffeqarfivit nammineq kinaassutsimik uppernarsaanermut atortuutigai, suliffeqarfigisanni atuisunit suliffeqarfimmi systeminut isernerni atorneqartartut.

Sumiiffimmi kinaassutsimik uppernarsaanermut atortut taamaallaat takutinneqartarput suliffeqarfissinni Lokal IdP-mik pilersitsisimagussi.

Sumiiffimmi IdP 

Suliffeqarfissinni atuisut isernermi suliffeqarfillu sinnerlugu imminut sullissivinni atsiornerni MitID-mut kinaassutsimik uppernarsaanermut atortunut taarsiullugit suliffeqarfiup nammineq kinaassutsimik uppernarsaanermut atortuinik atiusarnissaat suliffeqarfimmit akuerineqassanersoq toqqarsinnaavat.