Atuisusi nutaat MitID Erhverv-imi qanoq pilersinneqartarnissaannut inissitsiterinerit iluarsikkit

Brugere

Suliffeqarfinni atuisut nutaat MitID Erhverv-imi qanoq pilersinneqarsinnaanerannut inissitsiterinerit allanngortinissaannut ilitsersuut suliffeqarfimmi aqutsisutut nassaaritinnaavat.

Qupperneq una ukununnga attuumassuteqarpoq:

  • suliffeqarfimmi aqutsisoq

Atuisunik aqutsisoq atuisunik nutaanik pilersitsilinnginnerani suliffeqarfimmi aqutsisutut suliffeqarfimmi atuisunik nutaanik pilersitsinermi paasissutissat suut nalunaarsuinermut pisariaqartinneqassanersut toqqassavat.

Atuisut MitID Erhverv-imi qanoq pilersinneqartarnissaannut inissitsiterinerit suliffeqarfimmi aqutsisumit kisimi allanngortinneqarsinnaapput. Pisinnaatitaaffinnik atuisunillu aqutsisut inissitsiterinerinernik taamaallaat takunnissinnaapput.

Atuisunik aqutsisoq MitID Erhverv-imi atuisunik pilersitsisarpoq. Atuisunik aqutsisuuguit atuisunillu pilersitsisussaallutit tamatumunnga ilitsersuutit uaniipput:

Atuisunik pilersitsineq, aaqqissuussineq, piiaaneq ataatsikkulluunniit pilersitsineq

Suliffeqarfinni atuisut qanoq pilersinneqarsinnaanerat imannak allanngortissavat

“Inissitsiterinerit” (qallunaatut: "Indstillinger") imannak nassaarissavatit: Menu > Inissitsiterinerit.

Menu “Atuisunik pilersitsineq” (qallunaatut: "Oprettelse af brugere") menup “Akiligassalerineq”-rup (qallunaatut: "Fakturering") ataaniittoq tooruk. Suliffeqarfinni atuisut nutaat qanoq pilersinneqartarnissaannut inissitsiterinerit siaassapput.

Suliffeqarfinni atuisut nutaat qanoq pilersinneqarnissaannut inissitsiterinerit uani allanngortissinnaavatit.

Immersugassat marluk isummerfigissavatit:

  • Inissitsiterinerit malitassat: Suliffeqarfinni sulisut MitID Erhverv-imi atuisutut pilersinneqarnissamut namminneq noqqaassuteqartassanersut inissiguk. Periarfissat tamanna aallaaviatigut atunngilaq, kisianni sulisut namminneq noqqaassuteqarsinnaanerat ammaassinnaavat.
  • Paasissutissat, suliffeqarfimmit atuisunut akuersissutinullu quppernernut atassuserneqarsinnaasut: Suliffeqarfinni pilersitsinermi atuutilersitsinermiluunniitn paasissutissat suut atuisunut akuersissutinulluunniit atassuserneqarsinnaanissaat inissiguk. Paasissutissat assigiinngitsut arfineq marluk atassusersinnaasatit isummerfigissavatit.

Paasissutissat assigiinngitsut arfineq marluk atuisunut akuersissutinullu quppernernut atassuserneqarsinnaasut tassaapput:

  • SE-normu Suliffeqarfiup SE-normua atuisup ilaaffigisaa sorleq atuisup quppernerani nalunaarsornissaanut atuisunut aqutsisoq periarfissaqassanersoq. Periarfissaq tamanna toqqarukku atuisut nutaat pilersinneqarneranni SE-normu nalunaarsorfigineqartoq takuneqarsinnaanissaa toqqarneqarsinnaalissaaq. Pilersitsinermi SE-normu alla atuisunut aqutsisumit toqqarneqarsinnaassaaq.
  • P-normu: Suliffeqarfiup P-normua atuisup ilaaffigisaa sorleq atuisup quppernerani nalunaarsornissaanut atuisunut aqutsisoq periarfissaqassanersoq. Periarfissaq tamanna toqqarukku atuisut nutaat pilersinneqarneranni P-normu nalunaarsorfigineqartoq takuneqarsinnaanissaa toqqarneqarsinnaalissaaq. Pilersitsinermi P-normu alla atuisunut aqutsisumit toqqarneqarsinnaassaaq.
  • Innersuussut (qallunaatut: "Reference"): Atuisup quppernerani kajumissutsimik innersuussummik allannissamut atuisunut aqutsisoq periarfissaqassanersoq.
  • Kinaanermik isertuussineq (qallunaatut: "Anonym"): Atuisut kinaassusaat isertuullugit pilersinneqarsinnaanissaat, taamaalilluni atuisup atia suliffeqarfik sinnerlugu imminut sullissivimmut isernermi digitalimilluunniit atsiornermi takuneqarsinnaannginnissaat suliffeqarfimmit akuerineqassanersoq.
  • RID: Atuisup RID-normua atuisumut quppernermi atuisunut aqutsisumit takuneqarsinnaassanersoq.
  • UUID: Atuisup UUID-normua atuisumut quppernermi atuisunut aqutsisumit takuneqarsinnaassanersoq.
  • Atuisut tunngaviusumik atsiorsinnaassapput: Atuisut nutaat suliffeqarfik sinnerlugu tunngaviusumik atsiorsinnaatitaassapput, atuisunut aqutsisoq atuisunik nutaanik pilersitsigaangat. Atuisunut aqutsisoq pilersitsinermi piginnaatitaaffimmik tamatuminnga peersisinnaassaaq.

Sammisat attuumassuteqartut allat

Aqutsisutut suliffeqarfiup MitID Erhverv-iani inissitsiterinerit tulliuttut iluanni ilitsersorneqarsinnaavutit:

MitID Erhverv-imi suliffeqarfiup inissitsiterinerinik nalimmassaagit

Suliffeqarfivit MitID Erhverv-imit akiligassanik qanoq tigusisassanersoq allanngortiguk

MitID Erhverv-imi kinaanermik uppernarsaatitut suut atorneqarsinnaassanersut iluarsikkit

Suliffeqarfiup akuersissutinut inissitsiternissai isumagikkit

Lokal IdP-mik aqutsineq

MitID Erhverv-imi nalunaarutinut inissitsiterinerit allanngortikkit

Aqutsisutut sammisanut tulliuttunut aamma qulequttanut tulliuttunut ilitsersuutit takusinnaavat:

MitID Erhverv-imi atuisunik aqutsineq

Atuisunik eqimattanik pilersitsigit aqutsillutilluunniit

Akuersissutinik aqutsineq

Piginnaatitsissutinik pilersitsineq, noqqaaneq aqutsinerlu