Suliffeqarfik atorunnaarsikkiartorneqartoq sinnerlugu digitalimik iliuuseqartarputit

Suliffeqarfik atorunnaarsikkiartorneqartoq qanoq ililluni kuratorimit, likviditatorimit, rekonstruktørimit il.il. MitID Erhverv-imut atassuserneqaqqissinnaaneranut ilitsersorneqarit.

Qupperneq una inunnut suliffeqarfinnulluunniit suliffeqarfinnut matujartortinneqartunut oqartussaasussatut toqqarneqarsimasunut attuumassuteqarpoq, ass.:

kuratorit
likviditatorit
rekostruktørit.

Suliffeqarfik MitID Erhverv-imut atassuseqqissinnaavat. Suliffeqarfik sinerlugu taamaalillutit digitalimik iliuuseqarsinnaassaatit ass.:

assigiinngitsunik nalunaaruteqarlutit
pisortani imminut sullissivinnut allanut iserlutit.

Suliffeqarfik matujartortinneqartpq MitID Erhverv-imi ingerlaannartumik matuneqartarpoq. Imaappoq, suliffeqarfimmi atuisut tamarmik MitID Erhverv-iminni suliffeqarfik sinerlugu digitalimik iliuuseqarnissamut atuisinnaajunnaassapput.

Akuersissutilli suliffeqarfimmut attuumassuteqartut suli ingerlapput.

Suliffeqarfiup matujartortinneqartup nassuiaataa

Suliffeqarfik matujartortinneqartarpoq CVR-imi killiffia ingerlanermiit/nalinginnaasumiit tulliuttunut nikippat:

Pinngitsaalisamik matuneqarpat
Akiliisinnaajunnaarpat
Aaqqissuuteqqinneqarpat
Suliaq aallarteqqinneqarpat
Kajumissutsimik matuneqarpat

Suliffeqarfik imannak atassuseqqissavt

1. Likvidatoritut, kuratoritut imaluunniit rekonstruktøritut suliffeqarfimmut attuumassuteqarninnut uppernarsaatit katersukkit

Atassuseeqqilinnginninni piginnaassuseqartitaasutut atuuffinnut uppernarsaatit piareersassavatit. Atuuffiit toqqaruk uppernarsaallu suna atussanerlugu takullugu.

Kuratori imaluunniit rekonstruktøri

Pigisanik agguaassisarnermut eqqartuussivimmit uppernarsaat

Suliffeqarfimmut pinngitsaalisamik matuneqartussatut imaluunniit aallarteqqinneqartussatut inissisimasumut likvidatori

Pigisanik agguaassisarnermut eqqartuussivimmit uppernarsaat

Suliffeqarfimmi nammineq kajumissutsimik matulersumi likvidatori imaluunniit aqutsisunut sinniisoq

Likvidatoritut uppernarsaatit tulliuttut marluk arlaat pigissavat:

Ataatsimeersuarnermit kingullermit imaqarniliaq
Pilersitsilluni ataatsimeersuarnermit imaqarniliaq

Aqutsisunut sinniisutut uppernarsaatit tulliuttut pingasut arlaat pigissavat:

Ataatsimeersuarnermit kingullermit imaqarniliaq
Pilersitsilluni ataatsimeersuarnermit imaqarniliaq
Aqutsisunut sinniisutut atuuffimmut uppernarsaat nalinginnaasoq quppernermi tulliuttumi nassaarisinnaasat:

Suliffeqarfimmi aqutsisunut sinniisut atuuffiinut uppernarsaat

2. Atassuseqqinneq aallartiguk

Suliffeqarfimmut MitID Erhverv-imut siullerpaamik atassusilersutulli atassuseqqinneq ingerlanneqartarpoq.

Kisianni eqqaamassavat:

kuratoritut, likvidatoritut, konstruktøritut il.il. atassusiinermi suliffeqarfimmi aqutsisussatut imminut toqqassaatit, kisivit atassuseeqqinnermik ingerlatsisinnaagavit. Aqutsisunut sinniisutut imminut toqqarnissaq naammanngilaq.

Suliffeqarfik MitID Erhverv-imut atassuseqqillugu naammassigukku allat pisariaqartinneqartut pilersissinnaavatit taakkulu suliffeqarfimmi aqutsisutut imaluunniit MitID Erhverv-imi atuuffinnut allanut atuuffeqalersillugit.

Atassuseeqqinneq uani aallartiguk:

MitID Erhverv: Atassuserneqarneq (qallunaatut)

Allornikkaartumik ilitsersuut atassusiinermi qanoq ingerlatsinissamik takutitsisoq uaniippoq:

Suliffeqarfissi imannak atassusissavarsi suliffeqarfissinni aqutsisunut sinniisup atuuffianik uppernarsaammik ikkussuisussaagussi (pdf) (qallunaatut)