Pisinnaatitaaffinnik qinnuteqarit

Qanoq Pisinnaatitaaffiit, kattuffippit akuersissutigippagu, pillugit ujartuissanerlutit uani ilitsersuunneqarit.

Qupperneq una ukununnga attuumassuteqarpoq:

atuisut, suliffeqarfimmi aqutsisoqarfiit pisinnaatitaaffiit pillugit ujaasinissaq periarfissaqartissimappagu.

Una qupperneq nalinginnaasumik atorsinnaanngilaq, imaattoqarpat:

suliffeqarfiit Lokal IdP-mik atuisuuppat, tassa “Najukkami iserfissaq”-p ataani imminut sullissivimmut iserparuit, “MitID” atornagu
suliffeqarfiit pisinnaatitaaffiit pillugit nammineerluni ujaasinissamut maleruagassaqarpat, ass. immersuiffissaq. Ajornanngippat intranetersi imal. attaveqarfiit ilussinni attaveqaataasut allat misissukkit.

Pisinnaatitaaffik suua?

Pisinnaatitaaffik tassaavoq suliassamut aalajangersimasumut ataatsimut arlalinnulluunniit imminut sullissivimmi isernissamut imaluunniit suliarinninnissamut periarfissiisoq.

Paasiniaruk, suliffeqarfippit akuerippagu, pisinnaatitaaffiit pillugit ujaasisinnaanerlutit

1. MitID Erhverv iserfigiuk

MitID Erhverv: MitID Erhverv: Iserfissaq

2. Illit nammineq ilisarnaatinnut ingerlagit (taamaallaat aqutsisutut atuuffeqartunut)

Isereeruit, taava:

quppernerup qulerpiaani illit atit tuussavat
“Uanga ilisarnaatiga” (qallunaatut: "Min profil") toqqaruk.

3. Menu “Pisinnaatitaaffiit” (qallunaatut: "Rettigheder") toorukku menu siaassaaq.

Menu “Pisinnaatitaaffiit” (qallunaatut: "Rettigheder") toorukku menu siaassaaq.

4. Menumi toortagaq “Pisinnaatitaaffiit pillugit ujaasineq” (qallunaatut: "Søg om rettigheder") nassaariuk.

“Pisinnaatitaaffiit pillugit ujaasineq” (qallunaatut: "Søg om rettigheder") toortagaq menup naqqaniittoq toortagaq.

Toortaqarpat, pisinnaatitaaffiit pillugit ujaasisinnaavutit. Ataani “Pisinnaatitaaffiit pillugit ujaasineq” (qallunaatut: "Søg om rettigheder") ilitsersuut maliguk.

Toortagaq takussaanngippat, kattuffippit akuerisimanngippagu, atuisutut pisinnaatitaaffiit pillugit. Taamaappat suliffeqarfimmut aqutsisoq attavigissavat.

Ilitsersuut una suliffeqarfimmut aqutsisoq nassaariniarukku.

Illit suliffeqarfinni kikkut aqutsisuunersut paasiniaruk

Pisinnaatitaaffinnik qinnuteqarit

Pisinnaatitaaffinnik qinnuteqartinnak ilitsersuummi “Pisinnaatitaaffinnik qinnuteqarsinnaanerlutit paasiniaruk” qulaani tulleriinnerit naammassissavatit.

1. Periarfissami “Pisinnaatitaaffiit” (qallunaatut: "Rettigheder") toortagaq “Pisinnaatitaaffinnik qinnuteqarit” (qallunaatut: "Søg om rettigheder") tooruk

Toortagaq toorerukku, qupperneq “Pisinnaatitaaffit ilanngukkit” (qallunaatut: "Tilføj rettigheder") nuissaaq.

2. Pisinnaatitaaffik imaluunniit pisinnaatitaaffiit illit qinnuteqarfiginiakkatit toqqakkit

Pisinnaatitaaffiit qinnuteqarfiginiakkatit nassaarisinnaavatit:

ujaasiffimmi oqaaseq ujagassaq allallugu
pisinnaatitaaffiit suunerisa immikkoortui siaarlugit.

Pisinnaatitaafiit atiisa sinaani karsini ilisarnaasersuillutit pisinnaatitaaffinnik toqqartuisinnaavutit.

Taamaasioreeruit toortagaq “Tullia” (qallunaatut: "Næste") quppernerup aterpiaaniittoq tuussavat.

3. Pisinnaatitaaffimmik imaluunniit pisinnaatitaaffinnik qinnuteqaatigisannik pisariaqartitat naapertorlugu immersuigit (nammineq aalajangissavat)

Quppernermi “Peqqut (nammineq aalajangissavat)” ("qallunaatut: "Begrundelse (frivillig)") pisinnaatitaaffiit sooq pisariaqartinnerlugit immersuisinnaavutit.

Toortagaq “Tullia” (qallunaatut: "Næste") tuussavat.

4. Toortagaq "Qinnuteqaat nassiuguk" (qallunaatut: "Send ansøgning") tooruk

Quppernermi "Eqikkaaneq" (qallunaatut: "Opsummering") takusinnaavat, pisinnaatitaaffik/pisinnaatitaaffiit sorleq/sorliit qinnuteqarfiginerlugit.

Peqqutigisaq immersorsimagukku peqqutit aamma takusinnaavat.

Toortagaq "Qinnuteqaat nassiuguk" (qallunaatut: "Send ansøgning") quppernerup aterpiaaniippoq.

Toortagaq tooreerukku, periarfissamut "Pisinnaatitaffiit" (qallunaatut: "Send ansøgning") utissaatit, nalunaarullu "Pisinnaatitaaffinnik qinnuteqaat nassiunneqarpoq" (qallunaatut: "Ansøgning om rettigheder indsendt") saqqummissaaq.

Suliffeqarfinni aqutsisut arlaata qinnuteqaatit suliarereerpagu, attaveqarfigissavaatsit ilisimatillutillu qinnuteqaatit ukuerineqarsimanersoq imaluunniit itigartinneqarsimanersoq.

Aqutsisumit tusaraqanngikkuit, taava pisinnaatitaaffinnik aqutsisoq saaffigissavat. Aqutsisumit tusaraqanngikkuit, taava pisinnaatitaaffinnik aqutsisoq saaffigissavat. MitID Erhverv makuninga assigiinngitsunik aqutsisoqarpoq.

suliffeqarfimmi aqutsisoq
pisinnaatitaaffinnik aqutsisoq
atuisumut aqutsisoq.

Suliffeqarfinni kina aqutsisuunersoq ilisimanngikkukku, ilitsersuut manna maliguk:

Illit suliffeqarfinni kikkut aqutsisuunersut paasiniaruk

Qanoq paasisinnaavara pisinnaatitaaffimmik/pisinnaatitaaffinnik qinnuteqaatiga akuerineqarsimanersoq imaluunniit itigartinneqarsimanersoq?

MitID Erhverv-imit e-mailimik tigusaqassaatit, pisinnaatifaaffimmik/pisinnaatitaaffinnik tunineqarsimaguit. Atuisutut ilisarnaatinni periarfissap “Pisinnaatitaaffiit” (qallunaatut: "Rettigheder") ataanni aamma takuneqarsinnaassaaq.