MitID Privat til Erhverv-imik atuisut

Inuit ilai MitID atorlugu suliffeqarfitsik peqatigiiffitsilluunniit sinnerlugu digitalimik iliuuseqarnissamut ingerlannaaq periarfissaqalertarput, MitID Erhverv-imut nammineq atassuserneqarsimanngikkaluarlutik. Taaneqartarput MitID Privat til Erhverv-imi atuisut.

Pissutsit tallimat akuerisinnaagukkit MitID Privat til Erhverv-imut atuisuuvutit:

Aqutsisunut imaluunniit peqatigiiffimmut sinniisuuvutit CVR-imullu nalunaarsorneqarsimallutit.
Danskisut CPR-normoqarputit.
Suliffeqarfigisat peqatigiiffilluunniit sinnerlugu digitalimik iliuuseqarninni namminerisamik MitID atussavat, assersuutigalugu aningaaserivivit nittartagaanut isernissamut atortakkat.
Suliffeqarfik peqatigiiffilluunniit sinnerlugu digitalimik iliuuseqarnissamut ingerlaannartumik periarfissinneqarsimavutit MitID Erhverv-imut nammineq atassusersimanngikkaluarlutit.
Ass. MitID app, kodenik nuisitsivik, kodenik atuaasartoq chippiluunniit atorlugu imminut sullissivimmut isernissamut akuersiguit, aqutsisut sinniisaattut imaluunnit nammineq inuttut iserniarnersutit aperineqassaatit. Suliffeqarfik peqatigiiffilluunniit sinnerlugu aqutsisut sinniisaattut isernissaq aalajangiuppat.

MitID Privat til Erhverv-imik atuisoq nalinginnaasoq tassaavoq:

Suliffeqarfimmik inummit ataatsimit pigineqartumik piginnittoq
CVR-imut nalunaarsuiffimmi peqatigiiffinni nammineq kajumissutsimik peqatigiiffinni ass. peqatigiiffimmi siulittaasutut aningaaserisutulluunniit peqatigiiffimmut sinniisutut nalunaarsorneqarsimaneq
ingerlatseqatigiiffimmi pisortaq imaluunniit siulersisuni ilaasortaq::
- danskisut CPR-normoqarpoq
- CVR-registerimut nalunaarsorneqarsimavoq
- suliffeqarfik sinnerlugu kisimiilluni isumaqatigiissuteqarsinnaatitaavoq.

Suliffeqarfimmi peqatigiiffimmiluunniit MitID Privat til Erhverv-imut ataatsimik aallarniutigalugu atuisoqartarpoq. MitID Privat til Erhverv-imi atuisoq suliffeqarfik peqatigiiffilluunniit sinnerlugu digitalimik taamaallaat iliuuseqarsinnaavoq.

Ingerlatseqatigiiffiit ilaanneeriarlutik, ass. A/S imaluunniit ApS, arlalinnik MitID Privat til Erhverv-imi atuisoqartarput atsiorsinnaatitaanerat malillugu inuit arlallit ingerlatseqatigiiffik sinnerlugu kisimiillutik atsiorsinnaappata. Imaappoq suliffeqarfik sinnerlugu kisimiilluni isumaqatigiissuteqarsinnaappat.

Suliffeqarfimmi atsiorsinnaatitaaneq suliffeqarfik CVR-imut nalunaarsuiffimmi ujarlugu takusinnaavat.

CVR - Qitiusumik suliffeqarfinnik nalunaarsuivik

MitID Privat til Erhverv-imi atuisutut suliffeqarfik peqatigiiffilluunniit sinnerlugu digitalimik imannak iliuuseqarsinnaavutit

MitID Privat til Erhverv-imi atuisutut isissaatit namminerisamik MitID atorlugu, ass. netbankinnut isertarnitulli. MitID-mi atuisutut ID allassavat akueralugulu MitID app, kodenik nuisitsivik, kodenik atuaasartoq chip’iluunniit atorlugu.

Aperineqassaatit qanoq iserniarnersutit:

nammineq inuttut
aqutsisunut sinniisutut.

“Aqutsisunut sinniisoq” toqqassavat. Suliffeqarfiit imaluunniit peqatigiiffiit sinnerlugu maanna iliuuseqarsinnaalerputit.

Apeqqutit akissutillu

SKAT-imi nalunaaruteqarniarlugunga sulisuma ilaanit ikiorneqartariaqarpunga. Qanoq iliussaanga?

MitID Privat til Erhverv-imi atuisup saniatigut allanik inoqarpat, suliffeqarfiit MitID Erhverv-imut atassuserneqassaaq. MitID Erhverv-imi suliffeqarfinni atuisunik taava pilersitsisinaassaasi. Suliffeqarfissi suunerata toqqarneqarnissaani qanoq iliornissarsi pillugu paasisaqarnerugit:

Peqatigiiffiit peqatigiiffiillu kajumissutsimik ingerlanneqartut

ApS, A/S, kommanditselskab, andelsselskab suliffeqarfiillu allat

Suliffeqarfiit inunnit ataasiakkaanit pigineqartut

Suliffeqarfiit suussusaat allat

Kukkunersiuisora suliffeqarfimma naatsorsuutaanik isumaginnissaaq suliffeqarfigalu sinerlugu utertitsinissamut noqqaassuteqarsinnaassalluni. Qanoq iliussaanga?

Kukkunersiuisunnut MitID Erhverv-imi imaluunniit Digital Fuldmagt-imi piginnaatitsissummik pilersitsisinnaavutit. Suliffeqarfiit MitID Erhverv-imut atassuserneqarsimanersoq apeqqutaavoq.

Suliffeqarfiit MitID Erhverv-imut atassuserneqarsimappat MitID Erhverv-imi inuussutissarsiuteqartumut piginnaatitsissummik pilersitsissaatit. Imaaliussaatit:

kukkunersiuisut MitID Erhverv-imi inuussutissarsiuteqartunut piginnaatitsissummik tunissavat
kukkunersiuisut MitID Erhverv-imut atassuserneqarsimasoq MitID Erhverv-imi inuussutissarsiortunut piginnaatitsissummik noqqaassuteqassaaq kukkunersiuisullu MitID Erhverv-imi noqqaassutaa illit akuerissallugu.

Kukkunersiuisut MitID Privat til Erhverv-imi atuisuuppat MitID Erhverv-imullu atassuserneqarsimanani kukkunersiuisut Digital Fuldmagt aqqutigalugu noqqaassuteqassaaq. Kukkunersiuisu noqqaassutaa MitID Erhverv-imi akuerissavat itigartilluguluunniit.

Suliffeqarfiit MitID Erhverv-imut atassuserneqarsimanngippat Digital Fuldmagtimi piginnaatitsissummik pilersitsissaatit. Imaaliussaatit:

kukkunersiuisut Digital Fuldmagt-imi piginnaatitsissummik tunissavat.
kukkunersiuisut MitID Erhverv-imut atassusersimasoq inuussutissarsiortunut piginnaatitsissummik MitID Erhverv-imi noqqaassuteqassaaq. Digital Fuldmagt-imi akuersissaatit.

Kukkunersiuisut MitID Privat til Erhverv-imik atuisuuppat MitID Erhverv-imullu atassuserneqarsimanani kukkunersiuisut Digital Fuldmagtimi noqqaassuteqassaaq.

Digital Fuldmagt piginaatitsissutit pillugit allornikkaartumik ilitsersuutinik uani atuarsinnaavutit:

Inuussutissarsiuteqartunut piginnaatitsissutit Digital Fuldmagt-imilu piginnaatitsissutit pilersikkit, noqqaassutigikkit aqutllugillu