MitID Erhverv-imit atuutilersitsinissamut e-mailimik tigusaqaruit MitID Erhverv-imi atuisutut qanoq atuutilersinneqarnissat pillugu ilitsersorneqarit.
Qupperneq una ukununnga attuumassuteqarpoq:
MitID Erhverv-imi atuisut tassaapput inuit MitID Erhverv atuisutut atuutilersinneqarsimasut immikkut atuuffeqaratik.
Immikkut atuuffiit tassaasinnaapput:
Qupperneq manna atuisunut aqutsisunut MitID Erhverv-imi atuisunik qanoq atuutilersitsinissamut suliffeqarfimmi atuisunut ilitsersuisussanut attuumassuteqarpoq.
MitID Erhverv-imit atuutilersitsinissamut e-mailimik tigusaqaruit MitID Erhverv-imi atuisutut atuutilersissaatit. Atuisutut atuutilersissimanngikkuit suliffeqarfiit sinnerlugu iliuuaseqarsinnaanavianngilatit imaluunniit MitID Erhverv-imut atuisutut iserlutit.
Atuisunut aqutsisoq ilinnut MitID kodenik nuisitsivimmik, kodenik atuaasartumik imaluunniit chip’imik inniminniisimasoq ilisimagukku kinaanermik uppernarsaanermut atortumik tigusaqarnissat utaqqeqqaassavat. Kinaanermik uppernarsaanermut atortumik tigusaqaruit atuutilersitsinermut aamma ilitsersuummik pissaatit.
Atuisunut aqutsisup MitID Erhverv-imi atuisutut pilersippatit atuutilersitsinissamut linkitalimmik e-mailimik tigusaqassaatit.
Atuutilersitsinissamut linki ulluni 60-ini atorneqaarsinnaavoq. MitID-mi atuisutut ullut 60-it iluanni atuutilersinngitsoorsimaguit atuisunut aqutsisoq attavigissavat. Atuisunut aqutsisuo e-maili nassiuteqqissinnaavaa.
Suliffeqarfinni atuisunut aqutsisoq kinaasoq ilisimanngikkukku MitID Erhverv Support attavigalugu atuisunut aqutsisup kinaanera paasiniarsinnaavat.
Suliffeqarfik sinnerlugu iliuuseqaraangavit namminerisamik MitID imaluunniit immikkut MitID atorusunnerlugu isummerfigissavat.
Malugiu, atuutilersinninni periarfissat qulaaniittut marluk ilaannikkut saqqummiunneqarneq ajormata. Taamaassimappat periarfissat aappaannaa suliffeqarfinnit neqeroorutigineqarsimassaaq.
Arlaat atorusutat toqqassavat:
kinaassusermik uppernarsaanermut atortoriniakkat. Kinaassusermik uppernarsaanermut atortoq isernermi imaluunniit atsiornermi sulisup kinaaneranik uppernarsaanermut uppernarsaaqataasarpoq.
“2. Namminerisamik MitID imaluunniit immikkut MitID”ataani namminerisamik MitID toqqarsimagukku ass. nammineq netbankinnut iserniaraangavit kinaaninnik uppernarsaanermut atortut atussavat. Tassaasinnaavoq:
Immikkut MitID toqqarsimagukku kinaassutsimik uppernarsaanermut atortut tallimat arlaat ataaseq atorniarlugu toqqarsinnaavat:
Immikkut MitID-mut namminerisamik MitID app toqqarukku biometri, ass. inussat ipaannik imaluunniit kiinnamik ilisarsissut atorlugu iserneq akuerisinnaajunnaassavat.
Atuutilersitsinermi periarfissat tamaasa imaassinnaavoq ilisaritinneqanngitsut. Tamatumunnga pissutaasinnaavoq:
Suliffeqarfinni immikkut MitID atorlugu atuisutut pilersinneqarsimaguit suliffeqarfimmi allami immikkut MitID taanna aamma atorsinnaavat. Suyliffeqarfinni tamani immikkut MitID-mik atuiffiginiakkanni taamannak perirfissaqarnissamut akuersisimanissaat taamaallaat piumasaqaataavoq. Taamaassimappat toqqarsinnaavat.
Alloriarneq tamanna ilinnut aatsaat attuumassuteqassaaq suliffeqarfigisat sinnerlugu digitalimik iliuuseqartarnissannut immikkut MitID toqqarsimagukku.
Nammineq oqarasuaatinnit allaanerusumi MitID app toqqarsimagukku, ass. suliffinni oqarasuaammut, atuutilersinnissavit aallartinnginnerani MitID app Apple App Store-imi imaluunniit Google Play-imi MitID app aasinnaavat.
Illit imaluunniit atuisunut aqutsisoq ilinnut MitID kodenik nuisitsivimmik, kodenik atuaasartumik imaluunniit chip’imik toqqaasimappat atuutilersitsinissap aallartinnginnerani kinaanermik uppernarsaanermut atortumik tigusaqarnissat utaqqeqqaassavat.
Atuutilersinnissavit aallartinnginnerani pingasut tulliuttut piareersimatissavatit:
Atuisunut aqutsisup MitID Erhverv-imi atuisutut pilersippatit atuutilersitsinissamut linkitalimmik e-mailimik tigusaqassaatit.
Atuutilersitsinissamut e-mailimi linkeqarpoq atuutilersitsinissaq aallartinniarlugu tuugassannik. Linkip atuutilersitsinissamut quppernermut ingerlateqqissavaatit, tassanilu takusinnaassavat suliffeqarfimmit sorlermit MitID Erhverv-imi atuisutut pilersinneqarsimanerlutit.
Quppernermi tassani tuugassaq “Atuutilersitsineq aallartiguk” (qallunaatut: "Start aktivering") tuussavat.
Namminerisamik MitID ass. nammineq netbankigisannut isernissamut atorneqartartoq atorlugu isissaatit. Taamaaliussaatit suliffeqarfimmut kinaanerit upernarsassagakku.
Malugiuk, illit inuttut paasissutissaatitit suliffeqarfimmut tunniunneqarnavianngimmata, namminerisamik MitID-it illit kinaaninnik uppernarsaanermut taamaallaat atorneqartussaammat.
Suliffeqarfik sinnerlugu iliuuseqaraangavit namminerisamik MitID imaluunniit immikkut MitID atorusunnerlugu aperineqassaatit.
Toqqaruk “ Aap, namminerisamik MitID atorusuppara” (qallunaatut: ”Ja, jeg ønsker at bruge mit private MitID”).
Imaassinnaavoq suliffeqarfinni atuisut namminerisamik MitID-minnik taamaallaat atuisarnissaat akuerisimappagu namminerisamik MitID kisiat toqqarsinnaagit.
Atuisunut aqutsisunnit atuutilersitsinissamut kodemik aatsaat tigusaqarsimaguit attuumassuteqassaaq.
Atuutilersitsinissamut kode allassavat atuisunut aqutsisuit inuup normua atornagu inuuiit atirlugu pilersissimappatit.
Tigusaqarsimanngikkaluarlutit atuutilersitsinissamut kodemik allaqquneqaruit atuisunut aqutsisoq attavigissavat. Atuisunut aqutsisoq pillugu paasissutissat atuutilersitsinissamut e-mailimi nassaarisinnaavatit.
Atuutilersitsinissamut kode allareerukku tuugassat “Tullia” (qallunaatut: "Næste") tuussavat.
Tuugassaq “Atuutilersitsineq naammassiguk” (qallunaatut: ”Afslut aktivering”) tooruk MitID Erhverv-imi atuisutut atuutilersissimanermut uppernarsaammik e-mailikkut tigusaqassaatit.
Atuutilersinnissavit aallartinnginnerani pingasut tulliuttut piareersimatissavatit:
MitID kodenik nuisitsivik, kodenik atuaasartoq imaluunniit chip’i atuutilersissagukku kodenik nuisitsivik kodenik atuaasartoq chip’iluunniit peqatigalugu ilitsersuut tigusimasat malissavat.
Atuisunut aqutsisup MitID Erhverv-imi atuisutut pilersippatit atuutilersitsinissamut linkitalimmik e-mailimik tigusaqassaatit.
Atuutilersitsinissamut e-mailimi linkeqarpoq atuutilersitsinissaq aallartinniarlugu tuugassannik. Linkip atuutilersitsinissamut quppernermut ingerlateqqissavaatit, tassanilu takusinnaassavat suliffeqarfimmit sorlermit MitID Erhverv-imi atuisutut pilersinneqarsimanerlutit.
Quppernermi linki atirlugu iserfigisimasanni tuugassaq “Atuutilersitsineq aallartiguk” (qallunaatut: "Start aktivering") tuussavat.
Namminerisamik MitID ass. nammineq netbankigisannut isernissamut atorneqartartoq atorlugu isissaatit. Taamaaliussaatit suliffeqarfimmut kinaanerit upernarsassagakku.
Malugiuk, illit inuttut paasissutissaatitit suliffeqarfimmut tunniunneqarnavianngimmata, namminerisamik MitID-it illit kinaaninnik uppernarsaanermut taamaallaat atorneqartussaammat.
Namminerisamik MitID imaluunniit immikkut MitID atussanerlugu aperineqassaatit.
“Immikkut MitID” (qallunaatut: ”Særskilt MitID”) toqqaruk.
Imaassinnaavoq suliffeqarfinni tamanna taamaallaat akuerisimappagu namminerisamik MitID kisiat toqqarsinnaagit. Taamaassimappat namminerisamik MitID-mik atuinissaq itigartissavat atuisunullu aqutsisoq attavigalugu. Atuisunut aqutsisoq immikkut MitID-mik pilersitsinissannut akuersisinnaavoq.
Suliffeqarfinni kina atuisunut aqutsisuunersiq nalugukku atuutilersitsinissamut e-mailimi tamanna paasisinnaavat.
Taamaakkaluartoq namminerisamik MitID atorniarlugu akuersiguit ilitsersuummi “Suliffeqafrfik sinnerlugu iliuuseqaraangavit namminerisamik MitID-ip atortarnissaa toqqarsimagukku” alloriarnerit 5-imit siumut malissavatit.
Suliffeqarfik sinnerlugu iliuuseqaraangavit atortagassannut immikkut MitID-nnut atuisutut ID-mik nutaamik pilersitsissaatit. Imaappoq, imminut sullissivinnut iseraangavit imaluunniit suliffeqarfik sinnerlugu atsioraangavit pinerit tamaasa atuisutut ID taanna allattassavat.
Atuisunut aqutsisunnit atuutilersitsinissamut kodemik aatsaat tigusaqarsimaguit attuumassuteqassaaq.
Atuutilersitsinissamut kode allassavat atuisunut aqutsisuit inuup normua atornagu inuuiit atirlugu pilersissimappatit.
Tigusaqarsimanngikkaluarlutit atuutilersitsinissamut kodemik allaqquneqaruit atuisunut aqutsisoq attavigissavat. Atuisunut aqutsisoq pillugu paasissutissat atuutilersitsinissamut e-mailimi nassaarisinnaavatit.
MitID Erhverv-imi atuisutut atuutilersinnissannut oqarasuaatip atorniakkavit normua allassavat.
Normumi allassimasanni uppernarsaanissamut kodenik qupperninnilu allannguutit pillugit nalunaarutink tigusaqartassaatit.
Namminerisamik oqarasuaatinni imaluunniit oqarasuaammi allami illit piginngisanni ass. sulinermi oqarasuaammi immikkut MitID-qassanerlugit eqqarsaatigisallugu isumassarsiatsialaavoq.
Malugiu, nammineq oqarasuaatinni immikkut MitID-qarnissat aalajangerukku biometri ass. inussavit ipai imaluunniit kiinnamik ilisarsissut atorsinnaajunnaassavatit.
Alloriarneq 7-imi oqarasuaatip normuani allassimasanni uppernarsaanermut kode tigusimasat allassavat.
MitID app kinaassutsimik uppernarsaanermut atortutut toqqarsimagukku periarfissat marluk tulliuttut arlaat toqqassavat:
Malugiuk, isernerni atsiornerniluunniit oqarasuaammi namminerisami MitID-mik inissisimaffigineqareersumi MitID app’i atorniarlugu aalajangerui biometri (kiinnamik ilisarsissut imaluunniit inussat ipai) atorsinnaajunnaassavatit.
Tuugassaq “MitID app’ip atuutilersinnissaa aallartiguk” (qallunaatut: ”Start aktivering af MitID app”) tooruk
Alloriarneq 10-miit atuarsinnaavat immikkut MitID-eqarlutit MitID Erhverv-imi atuisutut nammineq oqarasuaaterinngisannik ass. suliffinni oqarasuaat atorlugu qanoq atuutiulersissinnaanerlutit.
Nammineq oqarasuaatinni immikkut MitID toqqassagukku ilitsersuut takutinneqartoq malissavat.
MitID kodenik nuisitsivik, kodenik atuaasartoq imaluunniit chip’i atuutilersissagukku kodenik nuisitsivik kodenik atuaasartoq chip’iluunniit peqatigalugu ilitsersuut tigusimasat malissavat.
MitID app’i suli aasimanngikkukku oqarasuaatinnut aajuk. QR-kodet aamma quppernermiipput, taakkulu scannerlugit App Store-imut Google Play-imullu ingerlaqqissinnaavutit.
Quppernermi aamma alloriarnermi tullermi MitID app’imi paasissutissat allatassatit takutinneqassapput.
Alloriarnermi tullermi MitID app ammaraluarlugu qupperneq takutineqartoq matussanngilat.
Quppernerup naqqani aamma QR-kodeqarpoq oqarasuaatinni MitID app’imik scannersinnaasat.
Alloriarnerit 11-16 oqarasuaatinni nammineq piginngisanni ass. suliffinni oqarasuaatinni MitID app’imi ingerlanneqassapput.
Oqarasuaatinni MitID app aammaruk tuugassarlugu “Aallartigit” toorlugu. Alloriarnermut “Qanoq ingerlaqqissanerlutit toqqaruk” pissaatit.
Tamatuma kingorna tuugassaq “Tullia” tuussavat. Alloriarnermut atuisutut ID-mik atuutilersitsinermullu kodemik allaffissannut pissaatit.
Allassavatit:
Tamaasa allareerukkit tuugassaq “Tullia” toorneqarsinnaanngussaaq tuussavallu.
Alloriarnermut “Utaqqiisaasumik PIN-kode SMS-imit tigusat allaguk” ingerlateqqinneqassaatit.
Tuugassaq siuliani alloriarnermiittoq “Tullia” toorukku utaqqiisaasumik PIN-kodemik oqarasuaatinnut nassinneqassaatit.
Utaqqiisaasumik PIN-kode SMS-ikkut pissarsiat allaguk.
Utaqqiisaasumik PIN-kode allareerukku alloriarnermut “Nammineq PIN-kodessat tooqqaruk” tikissavat tuugassarlu “Tullia” toorlugu.
PIN-kode isernermi atortagassat toqqassavat. Kode arfinilinnik kisitsisitaqassaaq.
PIN-kodessat allareerukku uteqqissavat.
Biometri ass. inussat ipaanik imaluunniit kiinnamik ilisarsissut aamma atulersissinnaavatit, immikkut MitID-it immikkut kinaassutsinnik uppernarsaanermut atortunni MitID app’imiippat, soorlu suliffinni oqarasuaatinni.
SMS-imik oqarasuaatinnut nassiussisoqassaaq MitID app’ip atuutilersinneqarsimaneranik ilisimatitsisumik.
Alloriarneq “Nalunaarutit akuerikkit” iserfigissavat.
Tuugassaq “Nalunaarutit inissitsitikkit” tuussavat. Qupperneq nutaaq ammassaaq tassanilu nalunaarutit akuerisinnaavatit.
MitID app matujuk atuutilersitsinermillu aallartitsininni qarasaasiaq, tablet imaluunniit oqarasuaat atorsimasut uterfigalugu.
“Atuutilersitsineq naammassiuk” (qallunaatut: "Afslut aktivering") tuussavat e.mailadressennut uppernarsaammik tigusaqarumallutit.
Nutaamik oqarasuaatitaarputit imaluunniit normutaarlutit
Imminut sullissivinnut atugassannut isersinnaanngilatit
Aqutsisoq sorleq qanoq ikiuisinnaava?
Aqutsisut suliffeqarfimmi suliunnaarsimapput
Kalaallit Nunaanni najugaqarputit MitID Erhverv-imillu atuisuullutit
Suliffeqarfimmi aqutsisutut atuuffeqarnissamut noqqaassuteqarit
MitID Erhverv-imi pisinnaatitaaffitit piginnaatitsissutitillu takukkit
MitID Erhverv-imi atuisutut noqqaassuteqarit
Atuisumut akuersissutit aajuk, matujuk bnutarterluguluunniit
Suliffeqarfik atorunnaarsikkiartorneqartoq sinnerlugu digitalimik iliuuseqartarputit
MitID Erhverv-imi Atuisut silarsuaannut uterit:
MitID Erhverv-imi atuisut silarsuaat
MitID Erhverv-imi atuuffiit pillugit paasisaqarnerorusukkuit:
Aqutsisuuguit aqutsisutullu suliassatit suliariniarukkit: