MitID Erhverv-imi atuisutut noqqaassuteqarit

MitID Erhverv-imi atuisutut pilersinneqarnissamut qanoq noqqaassuteqarsinnaanerlutit ilitsersorneqarit.

Qupperneq una ukununnga attuumassuteqarpoq:

MitID Erhverv-imi atuisutut suli pilersinneqarsimanngitsut tamarmik

Malugiuk, MitID Erhverv-imi atuisutut pilersinneqarnissamut aatsaat noqqaassuteqarsinnaavutit:

suliffeqarfiit MitID Erhverv-imik atuisooreerpat
MitID Erhverv-imi suliffeqarfimmi aqutsisup suliffeqarfimmi sulisut pilersinneqarnissamut noqqaassuteqarsinnaanissaat akuerisimappagu.

Kukkusoqarneranik nalunaarfigineqassaatit:

suliffeqarfinni sulisut MitID Erhverv-imi atuisutut pilersinneqarnissamut namminneq noqqaassuteqarsinnaanissaat suliffeqarfimmi akuerineqarsimanngippat
suliffeqarfimmit akuerineqanngikkaluartoq noqqaassuteqarnissamik pisaaseq ataaniittoq malikkukku.

Sulisut MitID Erhverv-imi atuisutut pilersinneqarumallutik noqqaassuteqarsinnaanissaat suliffeqarfinnit akuerineqarsimanngippat suliffeqarfinni atuisunik aqutsisoq pilersinneqarnissat pillugu attavigissavat. Suliffeqarfimmi aqutsisup kinaanera ilisimanngikkukku MitID Erhverv Support attavigalugu suliffeqarfimmi aqutsisup kinaanera paasiniarsinnaavat.

MitID Erhverv Support

Atuisutut atuuffeqarnissamut noqqaassuteqarit

1. MitiD Erhverv alakkarteruk Suliffeqarfiit ujaruk

MitID Erhverv: Suliffeqarfk ujaruk (qallunaatut)

2. Suliffeqarfivit CVR-normua allagguk

CVR-normu allareerukku “Ujaruk” (qallunaatut: "Søg") tuussavat.

Sulisut MitID Erhverv-imi atuisutut pilersinneqarumallutik noqqaassuteqarsinnaanissaat suliffeqarfinnit akuerineqarsimappat suliffeqarfiup atia, CVR-normua najugaalu saqqummissapput.

Tuugassaq “Tullia” (qallunaatut: "Næste") tooruk.

3. Nammineq MitID-it atorlugu iserit

Kinaanerit uppernarsarniarlugu namminerisamik MitID atorlugu isernissat piumasarineqarpoq.

Tuugassaq “Iserit” (qallunaatut: "Log ind") tooruk namminerisamillu MitID atorlugu iserlutit.

“Atuisutut quppernermik qinnuteqarit” (qallunaatut: ”Ansøg om brugerprofil”) ammassaaq.

4. E-mailadresse allaguk

E-mailadresset allassvat.

Oqarasuaativit normua aamma allassinnaavat pilersinneqarnissamullu noqqaassuteqarninnut tunngavilersuut ilanngullugu. Taakku immersussanerlugit nammineq aalajangissavat.

“Tullia” (qallunaatut: "Næste") tooruk.

5. Suliffeqarfiit sinerlugu iliuuseqaraangavit namminerisamik MitID atortassanerlugu aalajangissavat

Suliffeqarfiit sinerlugu iliuuseqaraangavit namminerisamik MitID MitID Erhvervimi atorsinnaavat. Tassaavoq MitID nammineq pigeriikkat assersuutigalugulu netbankimut iserniaraangavit atortakkat.

Namminerisamik MitID atorusunngikkukku immikkurMitID-mik pisinaavutit suliffeqarfik sinnerlugu iliuuseqaraangavit taamaallaat atortagassannik.

MitID Erhverv atorlugu isernissamut periarfissat pillugit paasisaqarnerugit:

Isernissamut periarfissat

Namminerisamik MitID atussanerlugu “Aap” (qallunaatut: "Ja") imaluunniit “Naamik” (qallunaatut: "Nej") toqqassavat.

“Tullia” (qallunaatut: "Næste") tooruk.

Qupperneq “Paasissutissaatitit misissukkit” (qallunaatut: "Tjek dine oplysninger") ammassaaq.

6. Paasissutissaatitit eqqornersut misissukkit

Toqqakkavit eqikkarnerat takutinneqassaaq. Paasissutissat eqqorpata “Noqqaassut nassiuguk” (qallunaatut: "Send anmodning") tuussavat.

Qupperneq “Uppernarsaat” (qallunaatut: "Kvittering") ammassaaq.

Nalunaarfigitissaatit: “Noqqaassut nassiuppoq” (qallunaatut: "Anmodning sendt"). MitID Erhverv-imi atuisooreeruit tamatuminga ilisimatitsisumik kukkusoqarneranik nalunaarfigitissaatit.

Atuisunik aqutsisumit noqqaassutit akuerineqarpat atuutilersitsinissamut e-mailissaatit. MitID Erhverv-imik atuisutut qanoq aallartitsinissat pillugu paasisaqarnerugit:

MitID Erhverv-imik atuisutut atuutilersigit

Atuisunik aqutsisumit noqqaassutit itigartitsissutigineqarpat tunngavilersuutitalimmik e-mailissaatit.