Aqutsisoq sorleq qanoq ikiuisinnaava?

MitID Erhvervimi aqutsisut assigiinngitsut pingasuupput. Atuisutut aqutsisut assigiinngitsut taakku qanoq ilinnik ikiuisinnaanerat pillugu paasisaqarnerugit.

Qupperneq una ukununnga attuumassuteqarpoq:

MitID Erhverv-imik atuisut tamarmik

MitID Erhvervimi atuisutut aqutsisut assigiinngitsut taakku qanoq ikiuisinnaanerat ataani paasisaqarfiginerusinnaavat. Linkit ilaat ataaseq tooruk:

Atuisunut aqutsisoq
Pisinnaatitaaffinnik aqutsisoq
Suliffeqarfimmi aqutsisoq

Aqutsisutut atuuffiit pingasut taakku pillugit nalinginnaasumik nassuiaammik pisariaqartitsiguit uani atuarsinnaavat:

Atuuffiit

Atuisunut aqutsisoq

MitID Erhvervimi atuisusutut atuisunut aqutsisoq ataviginerpaasarpat.

Atuisunik aqutsisoq attavigissavat imaaliorniaruit:

MitID Erhverv-imi atuisutut pilersinneqarusukkuit
MitID Erhvervimi atuisutut atuutilersinniarsarininni atuutilersitsinissamut kode amigaatigigukku
nutaanik suleqatitaarsimaguit suliffeqarfik sinnerlugu digitalimik aamma iliuuseqartartussanik MitID Erhvervimilu atuisutut pilersinneqartussanik
suleqatitit ass. soraarnerat imaluunniit erninermut atatillugu sulinngiffeqarnerat pissutigalugu atorunnaarsinneqarnissaat peerneqarnissaalluunniit nalunaarutiginiarlugu
suliffeqarfimmi atuisumulluunniit akuersissummik pisariaqartitsiguit
nutaamik oqarasuiaatitaarlutillu normutaaruit oqarasuaatitoqqat MitID app’imik imalik pigiunnaarsimagukku,

Imminut sullissivimmut suliffeqarfik sinnerlugu suliassaqarfinnut isersinnaanngikkuit pisinnaatitaaffeqanngikkuiluunniit pisinnaatitaaffinnik aqutsisup suliassaraa. Kisianni atuisunik aqutsisut aamma attavigisinnaavat.

Suliffeqarfinni kina atuisunik aqutsisuunersoq imannak paasissavat

Atuutilersitsineq il.il. pillugit MitID Erhvervimit siornatigut e-mailisinikuuguit naqqani atuisunik aqutsisup atia nassaarisinnaavat.

MitID Erhvervimit e-maili nassaarisinnaanngikkukku atuisunullu aqutsisoq kinaasoq ilisimanngikkukku MitID Erhverv Support attavigalugu atuisunut aqutsisup kinaanera paasiniarsinnaavat.

MitID Erhverv Support

Sulifffeqarfinni atuisunik aqutsisut qanoq amerlatigippat?

Suliffeqarfinni atuisunik aqutsisoq ikinnerpaamik ataasiussaaq. Suliffeqarfiit sulisorpassuaqarpat atuisunik aqutsisut arlaliusinnaapput.

Atuisunik aqutsisoq arlalinnik ataatsikkut aamma atuuffeqarsinnaavoq. Atuisunik aqutsisoq aamma ass. pisinnaatitaaffinnik aqutsisuusinnaavoq.

Pisinnaatitaaffinnik aqutsisoq

Pisinnaatitaaffinnik aqutsisup imminut sullissivimmi suliassanik isumaginninnissamut isersinnaanissaq amigaatigigukku pingaarnertut ikiorsinnaavaatit.

Pisinnaatitaaffinnik aqutsisoq attavigissavat:

imminut sullissivimmut suliffeqarfik sinnerlugu suliassaqarfigisannut isersinnaanngikkuit pisinnaatitaaffeqanngikkuiluunniit
akuersissutit inissitsiternerqarsimanerat pilugu apeqqutissaqaruit, soorlu systemimut pisinnaatitaaffinnut imaluunniit seglinik pilersitsinernut tunngatillugit
suliffeqarfik sinnerlugu suliaqarnissamut inuussutissarsiornikkut piginnaatitsissummik suliffeqarfiit tigusaqarsimappat.

Sulifffeqarfinni pisinnaatitaaffinnik aqutsisut qanoq amerlatigippat?

Suliffeqarfinni pisinnaatitaaffinnik aqutsisoq ikinnerpaamik ataasiussaaq. Suliffeqarfiit sulisorpassuaqarpat pisinnaatitaaffinnik aqutsisut arlaliusinnaapput.

Suliffeqarfinni kina pisinnaatitaffinnik aqutsisuunersoq imannak paasissavat

Pisinnaatitaaffinnik aqutsisoq kinaasoq ilisimanngikkukku MitID Erhverv Support attavigalugu pisinnaatitaaffinnik aqutsisup kinaanera paasiniarsinnaavat:

MitID Erhverv Support

Pisinnaatitaaffinnik aqutsisoq arlalinnik atuuffeqarsinnaavoq, taamaammat pisinnaatitaaffinnik aqutsisoq aamma atuisunik aqutsisuusinnaalluni.

Suliffeqarfimmi aqutsisoq

Suliffeqarfimmi aqutsisup ikiorsinnaavaatit:

aqutsisutut atuuffiit ilaat taaseq pisussaasimagukku
sulisutut tatigisatut atuuffik pisussaasimagukku (kommunini taamaallaat atuuppoq).

Sulifffeqarfinni suliffeqarfimmi aqutsisut qanoq amerlatigippat?

Suliffeqarfiit ikinnerpaamik ataatsimik suliffeqarfimmi aqutsisoqasssaaq, suliffeqarfilli amerlanerusunik suliffeqarfimmi aqutsisoqarsinnaalluni.

Suliffeqarfimmi aqutsisoq arlalinnik atuuffeqarsinnaavoq, taamaammat suliffeqarfimmi aqutsisoq aamma pisinnaatitaaffinnut atuisunillu aqutsisuusinnaalluni.