Suliffeqarfinni atuisut imminut sullissivinnut isersinnaassappata pisinnaatitaaffinnik aqutsisutut MitID-imi pisinnaatitaaffilersinnaavatit. Pisinnaatitaaffinnik aqutsisutut imaluunniit atuisunut aqutsisutut pisinnaatitaaffinnik qanoq tunniussillutillu peersisinnaanerit pillugu ilitsersuutit nassaarisinnaavatit.
Qupperneq una ukununnga attuumassuteqarpoq:
Pisinnaatitaaffinnik aqutsisoq:
Atuisunut aqutsisoq aamma:
Atuisunut aqutsisoq atuisunit pisinnaatitaaffinnik noqqaassutsinik akuersisinnaananilu itigartitsisinnaanngilaq.
Imminut sullissivimmi, assersuutigalugu erninermut atatillugu sulinngiffeqarnermik imaluunniit utertitsinissamik nalunaarutiginninnissamik suliaqarsinnaanermut suliaqarsinnaatitaanermullu atatillugu pisinnaatitaaffiusinnaavoq.
Suliffeqarfinni atuisunut eqimattaqarpat atuisunut ataasiakkaaraluni pisinnaatitaaffilersuinani peersitsinaniluunniit eqimattami atuisut pisinnaatitaaffiinik ataatsikkut tunniussisinnaavutit peersitsillutilluunniit.
Atuisunit eqimattanit atuisumik qanoq ilanngussisinnaanerlutit peersininnaanerlutilluunniit ilitsersuut uani nassaarisinnaavat:
Atuisuni eqimattani atuisumik ikkussineq peersinerluunniit
MitID Erhverv-imi pisinnaatitaaffiit pillugit paasissutissanik annertunerusumik pisariaqartitsiguit uani atuarsinnaavatit:
Malugiuk, MitID Erhverv-imi ukununnga isersinnaanermut tunniussisinnaannginnavit:
Taakkununnga isersinnaanissaq pisariaqartikkukku ilitsersuutit tulliuttut atuakkit:
Suliffeqarfimmut Allakkat Digitaliusut (ass. e-Boks) imannak isersinnaalissaatit
Suliffeqarfiit sinnerlugu skat.dk-mi TastSelv-imut imannak isersinnaalissaatit
“Atuisut” (qallunaatut: "Brugere") imannak nassaarissavatit: Menu > Atuisut.
Atuisoq pisinnaatitaaffilerniakkat tuussavat. Atuisup quppernera takuneqarsinnaalissaaq.
Menumi “Pisinnaatitaaffiit” (qallunaatut: "Rettigheder") “Atuisut pillugit paasissutissat” (qallunaatut: "Brugerinformation") ataaniittoq tuussavat.
Tuugassaq “Pisinnaatitaaffinnik tunniussigit” (qallunaatut: "Tildel rettigheder") tooruk. Qupperneq “Pisinnaatitaaffinnik tunniussigit” (qallunaatut: "Tildel rettigheder") nuissaaq.
Pisinnaatitaaffiit tunniunniakkatit nassaarisinnaavatit:
Pisinnaatitaafiit atiisa sinaani karsini ilisarnaasersuillutit pisinnaatitaaffinnik toqqartuisinnaavutit.
Tuugassaq “Pisinnaatitaaffinnik tunniussigit” (qallunaatut: "Tildel rettigheder") naqqaniittoq tuussavat.
“Pisinnaatitaaffiit” (qallunaatut: "Rettigheder") uterfigeqqissavat pisinnaatitaaffiillu ilanngunneqarsimanerannik uppernarsaat takutinneqassalluni.
Pisinnaatitaaffiit tunniuteqqammisatit pisinnaatitaaffiit allattorsimaffianni aamma nassaarisinnaavatit.
“Atuisut” (qallunaatut: "Brugere") imannak nassaarissavatit: Menu > Atuisut.
Atuisoq pisinnaatitaaffiiarniakkat tuussavat. Atuisup quppernera takuneqarsinnaalissaaq.
Menumi “Pisinnaatitaaffiit” (qallunaatut: "Rettigheder") “Atuisut pillugit paasissutissat” (qallunaatut: "Brugerinformation") ataaniittoq tuussavat. Menu “Pisinnaatitaaffiit” (qallunaatut: "Rettigheder") siaassaaq.
Ilisarnaat “Pisinnaatitaaffik peeruk” (qallunaatut: "Slet rettighed") eqqaavittut isikkulik tuussavat. Pisinnaatitaaffiup tunniunniakkavit sinaaniippoq.
Qupperneq “Pisinnaatitaaffik peerniarpiuk?” (qallunaatut: "Vil du slette rettigheden?") nuissaaq.
Tuugassaq “Pisinnaatitaaffik peeruk” (qallunaatut: "Slet rettighed") quppernerup naqqaniittoq tuussavat.
Menu “Pisinnaatitaaffiit” (qallunaatut: "Rettigheder") uterfigissavat. Pisinnaatitaaffiup peerneqarneranut akuersissut takutinneqassaaq.
Pisinnaatitaaffiit pillugit noqqaassutit sumiiffinni pingasuni nassaarisinnaavatit:
Menup “Paasiniaanerit” (qallunaatut: "Forespørgsler") ataanni noqqaassutip isumaginiakkavit kingorna toorneeqqat pingasut tuussavait toorlugulu “Isumagiuk” (qallunaatut: "Håndtér"). Noqqaassut itigartinniarlugu nalunngereerukku tassani “Itigartiguk” (qallunaatut: "Afvis") toqqarsinnaavat.
MitID Erhverv-imi nalunaarutini noqqaassutip isumaginiakkavit sinaani ilisarnaat “Suliassaq isumagiuk” (qallunaatut: "Håndtér opgave") tuussavat.
MitID Erhverv-imi nalunaarutit e-mailikkut tigusarnissaat toqqarsimagukku e-mailikkut tigusaqassaatit. E-malimi tuugassannik linkeqarpoq.
Qupperneq “Atuismit paasiniaaneq” (qallunaatut: "Brugerforespørgsel") ammassaaq.
Menu “Pisinnaatitaaffiit” (qallunaatut: "Rettigheder") tuussavat, tassani pisinnaatitaaffiit sorliit atuisumit noqqaassutigineqarsimanersut pillugit paasissutissat takusinnaassallugit.
Noqqaassummi pisinnaatitaaffiit amigaataappata tuugassaq “Pisinnaatitaaffiit ilanngutikkit” tuussavat.
Pisinnaatitaaffiit eqqorsimappata atuisullu qanoq sivisutigisumik pisinnaatitaaffeqarnissaanut killileerusukkuit piffissap ataani “Tamatigut” (qallunaatut: "Altid") tuussavat, ullup aallartiffia naaffialu immersorniarlugit. Noqqaassutit killilikkamik ulloqartinneqanngillat, taamaammallu piffissaq inissinneqarsimalluni uunga “Tamatigut” (qallunaatut: "Altid") .
Atuisoq pigisassarinngisaminik pisinnaatitaaffeqarpat pisinnaatitaaffiup atiata sinaani ilisarnaat “Pisinnaatitaaffik peeruk” (qallunaatut: "Slet rettighed") tuussavat.
“Itigartiguk” (qallunaatut: "Afvis"), “Tunniutiguk” (qallunaatut: "Tildel") imaluunniit “Peqqissimineq” (qallunaatut: "Fortryd") tooruk.
Menumi “Killiliinerit” (qallunaatut: "Begrænsninger") ataanni suliffeqarfimmi SE-normu imaluunniit P-normut toqqarsinnaavatit, taamaalilluni atuisoq suliffeqarfimmi SE-normu P-normuluunniit toqqarneqarsimasoq sinnerlugu taamaallaat iliuuseqarsinnaassalluni.
Killiliingikkuit atuisoq suliffeqarfik tamaat sinnerlugu iliuuseqarsinnaassaaq.
Alloriarneq 3-mi 4-milu quppernerup naqqani “Tunniutiguk” (qallunaatut: "Tildel") aamma “Itigartiguk” (qallunaatut: "Afvis") toorsinnaavatit.
Qupperneq “Paasiniaanerit” (qallunaatut: "Forespørgsler") uterfigissavat. Paasiniaaneq akuerineqarsimanersoq itigartinneqarsimanersorluunniit nalunaarummi takuneqarsinnaassaaq.
Noqqaassut akuerineqarsimanersoq itigartinneqarsimanersorluunniit pillugu atuisoq ingerlaannartumik nalunaarfigineqarnavianngilaq. Atuisoq taamaammat nammineerlutit attavigissavat.
Suliffeqarfinnut seglit inuit digitalimik atsiornerisulli atuuttarput. Suliffeqarfissinni MitID Erhverv-imik atuisut suliffeqarfik sinnerlugu atsiorsinnaanissaasa akuerineratigut atuisup aqqa nuisinnagu atsiorsinnaassapput.
Malugiuk segl-inik pilersitsineq inuttut nammineq imaluunniit inuussutissarsiutini atuisutut atsiornermut paarlaanneqarsinnaanngimmat.
Pisinnaatitaaffinnik aqutsisutut atuisut seglinik pilersitsinissamut pisinnaatitaaffii takusinnaavatit. Atuisoq seglimik taamaallaat pilersitsisinnaavoq:
Suliffeqarfimmi aqutsisup suliffeqarfimmi MitID Erhverv-imik atuisut seglinik pilersitsisinnaanissaat akuersisimanngippagu atuisut qupperneranni immersugassaq “Atsiorneq” (qallunaatut: "Underskrift") ersinnavianngilaq. Taamaappat suliffeqarfimmut aqutsisoq attavigissavat.
“Atuisut” (qallunaatut: "Brugere") imannak nassaarissavatit: Menu > Atuisut.
Atuisoq pisinnaatitaaffiinik allannguiffiginiakkat tuussavat. Atuisup quppernera takuneqarsinnaalissaaq.
Menu “Atsiorneq” (qallunaatut: "Underskrift") tuussavat.
Quppernermi “Atuisoq suliffeqarfik sinnerlugu atsiorsinnaavoq” (qallunaatut: "Bruger kan underskrive for organisationen") ilisarnaasiisinnaavutit peersitsillutilluunniit.
Nalunaarut seglinik pilersitsinermut pisinnaatitaaffiup allanngorneranut akuersissuteqartoq nuissaaq.
Atuisunik aqutsinermi ilitsersuutit tulliuttut aqutsisutut pisinnaavatit:
MitID Erhverv-imi atuisunik aqutsineq
Atuisunik pilersitsineq, aaqqissuussineq, piiaaneq ataatsikkulluunniit pilersitsineq
Sulisut nunanit allaneersut MitID Erhverv-imi atuisutut pilersissigit
Aqutsisutut atuuffinnik imaluunniit sulisutut tatigisatut atuuffimmik tunniussigit
Aqutsisutut sammisanut tulliuttunut aamma qulequttanut tulliuttunut ilitsersuutit takusinnaavat:
Atuisunik eqimattanik pilersitsigit aqutsillutilluunniit
Piginnaatitsissutinik pilersitsineq, noqqaaneq aqutsinerlu
MitID Erhverv-imi suliffeqarfiup inissitsiterinerinik nalimmassaagit