Suliffeqarfimmi aqutsisutut atuisut eqimattat qanoq pilersissinnaaneritit peersinnaaneritilluunniit pillugit ilitsersuut nassaarisinnaavat.
Qupperneq una ukununnga attuumassuteqarpoq:
MitID Erhverv-imi qanoq atuuffeqarnerlutit nalugukku MitID Erhverv-imut iserlutit atuisuunerit takusarsinnaavat. Atuuffiit illit atuisuuffinni “Tunngaviusumik paasissutissat”-niipput (qallunaatut: "Stamdata").
MitID Erhverv-imi suliffeqarfimmi aqutsisuunngikkuit atuisunillu eqimattanik nutaanik pilersitserusullutit suliffeqarfinni suliffeqarfimmi aqutsisoq attavigissavat. Suliffeqarfinni suliffeqarfimmi aqutsisoq kinaasoq ilisimanngikkukku MitID Erhverv Support attavigissavat aqutsisup kinaanera paasiniarlugu:
“Atuisut eqimattat” (qallunaatut: "Brugergrupper") imannak nassaarissavatit: Menu > Atuisut eqimattat.
Atuisut eqimattat qulingiluaappata amerlaneralutilluunniit atuisut eqimattat allattorsimaffiisa siorngani tuugassaq “Atuisut eqimattat nuaat pilersikkit” (qallunaatut: "Opret ny brugergruppe") nassaarisinnaavat.
Atuisut eqimattat arfineq pingasuuppata ikinneralutilluunniit atuisut eqimattat allattorsimaffiisa kingorna tuugassaq “Atuisut eqimattat nuaat pilersikkit” (qallunaatut: "Opret ny brugergruppe") nassaarisinnaavat.
Qupperneq “Eqimattaq pilersiguk” (qallunaatut: "Opret gruppe") saqqummissaaq menulu “Paasissutissat” (qallunaatut: "Information") siaarluni.
Atuisut eqimattat atsissavatit. Pinngitsoornak. Atuisut eqimattat assigiinngitsut immikkoortissinnaajumallugit ilisarnartumik atsernissaat eqqaamassavat.
Immersugassat “Nassuiaat” (qallunaatut: "Beskrivelse") nammineq kajumissutsimik allaffissaavoq, tassani atuisut eqimattat nassuiarneqarsinnaallutik.
MitID Erhverv-imi pisinnaatitaaffik imminut sullissivinni suliassanik aalajangersimasunik suliaqarnissanut periarfissiivoq pisinnaatitsillunilluunniit, assersuutigalugu NemRefusion-imi, SKAT-imi imaluunniit ATP-mi.
Pilersitsinermi pisinnaatitaaffinnik tunniussineq nammineq kajumissutsimik pisassaavoq. Pisinnaatitaaffinnik kingusinnerusukkut aamma tunniussisinnaavutit. Pisinnaatitaaffinnik tunniussiniaruit alloriarnerit tulliuttut sisamat ingerlatissavatit:
Immersugassat “SE-normu” (qallunaatut: "SE-nummer") aamma “P-normu” (qallunaatut: "P-nummer") nammineq kajumissutsimik immersugassaapput.
Atuisut eqimattat SE-normumut imaluunniit P-normumut aalajangersimasumut atuuttussaasimappat SE-normu P-normuluunniit sorleq atuisunut eqimattanut atuutissanersoq arlaat toqqassavat.
Tuugassaq “Atuisut eqimattat pilersiguk” (qallunaatut: "Opret brugergruppe") toorlugu naammassiuk. Atuisut eqimattat pilersikkukkit nalunaaruteqassaaq.
“Atuisut eqimattat” (qallunaatut: "Brugergruppe") imannak nassaarissavatit: Menu > Atuisut eqimattat.
Suliffeqarfissinni atuisut eqimattat allattorsimaffianni atuisut eqimattat peerusutavit atia tooruk.
Malugiuk, atuisut eqimattat “Atuisut naleqqussarneqarsimasut”-iut (qallunaatut: "Brugerdefineret") nalunaaquterneqarsimasut taamaallaat peersinnaagakkit. Atuisut eqimattat systemimit pilersinneqarsimasut peersinnaanngilatit.
Atuisut eqimattat pillugit paasissutissat siaarneqassapput.
Atuisut eqimattat peerniarlugit quppernerup naqqani tuugassaq “Atuisut eqimattat piikkit” (qallunaatut: "Fjern brugergruppe") tuussavat.
Qupperneq “Peersineq akueriuk” (qallunaatut: "Bekræft sletning") saqqummissaaq.
Tuugassaq “Ok” quppernerup naqqaniippoq.
Eqimattap peerneqarsimaneranut uppernarsaat saqqummissaaq.
Atuisunik eqimattat pillugit ilitsersuutit tulliuttut aqutsisutut pisinnaavatit:
Atuisunik eqimattanik pilersitsigit aqutsillutilluunniit
Atuisunut eqimattanut pisinnaatitaaffinnik tunniussineq peersinerluunniit
Aqutsisutut sammisanut tulliuttunut aamma qulequttanut tulliuttunut ilitsersuutit takusinnaavat:
MitID Erhverv-imi atuisunik aqutsineq
Piginnaatitsissutinik pilersitsineq, noqqaaneq aqutsinerlu
MitID Erhverv-imi suliffeqarfiup inissitsiterinerinik nalimmassaagit